Législatives : Paul-Marie Bartoli, candidat pour la Gauche dans la deuxième circonscription 2A
(A redazzioni d'Alta Frequenza) - Paulu Maria Bartoli, merri di Prupià è presidenti di l'Uffiziu di i Trasporti di a Corsica, hè candidatu à l'alizzioni legislativi, ind'a siconda circuscrizzioni di Corsica Suttana. Incù a so suppleenti Valérie Tomi, cunsighjera municipali à a merria d'Aiacciu, iss'ultimu facia oghji una visita ind'u seiesimu cantonu di a Cità Imperiali, chì t'hà più di 10 000 scritti, è dunqua una fonti di voti più cà impurtanti. Una candidatura "nova" d'appressu à Paulu Maria Bartoli, chì hè sicuru chì un cambiamentu si pò rializà inde issa circuscrizzioni storicamenti à diritta. Sustinutu da a maiò parti di a famighja di manca, u candidatu si voli scriva di modu pienu ind'a dimarchja di François Hollande è ind'a pulitica intrapresa da a maghjurità tarrituriali, da fà ricullà à u meghju l'intaressi specifichi à a Corsica à l'Assemblea Naziunali.
Écoutez Paul-Marie Bartoli
Sur le même sujet
