Législatives : Olivier Battistini votera et appelle à voter Valérie Bozzi
Eccu ciò ch’iddu dici Olivier Battistini, par ciò chì tocca à u sicondu ghjiru di l’alizzioni in a siconda circuscrizzioni llu Pumonti :
« Ci hè a scelta trà u candidatu llu PNC, u duttori Paul-André Colombani, è a candidata di dritta, Valérie Bozi.
Un aghju a prupriità di i voti, masimu chì quiddi chì m’ani sustinutu sò d’urisonti pulitichi diversi. In cunsiquenza, ugnunu farà ciò chì li pari ghjustu », dici u candidatu « Reconquête » scantatu à u primu ghjiru.
Ma cuntinuvighja dindu ch’iddu fighjola, cù un sguardu inchietu, a vulintà sempri più forti di l’eletti righjunalisti di purtà ci à una via chì sbuccarà à nantu à un rifarendu d’autoditirminazioni da quì à vinti anni. Issi righjunalisti sustenini a migrazioni, u wokismu, è s’assumiddani, fatta fini, à i capi d’unu statu ch’iddi dicini cumbatta.
« Ùn possu chè uppona mi à una dimarchja cumpagna.
Fidu à a me vulintà di veda sbuccà in Corsica l’unioni di i dritti, chjamu à vutà è vutaraghju pà Valérie Bozzi », dici in chjudenda Olivier Battistini.
