Législatives : Léo Battesti renonce
(A redazzioni d'Alta Frequenza) - Mentri ch'ellu avia lanciatu una campagna maiò, accumpagnata da l'isciuta di u so libru "La vie par-dessus tout", Léo Battesti hà presu a dicisioni di ritirassi da a corsa à a candidatura à i legislativi in a prima circuscrizzioni di Corsica Suprana, induv'ellu bramava l'investitura Pè a Corsica. In fatti, in un cumunicatu, Léo Battesti spiega a so dicisioni da "ingerenzi di fora è un ambienti internu pisivu", dicendu ch'ellu ùn s'era micca prisintatu pà "pona prublemi ma pà participà à suluzioni". Léo Battesti chì prega bonafurtuna à Michel Castellani, l'aghjuntu à u merri di Bastia chì hè oramai u solu candidatu à l'investitura. Infini, Léo Battesti dici ch'ellu hà da cuntinuà "cù a parolla, u scrittu è l'azzioni à difenda l'ideali di una Corsica più fraterna, demucratica è trasparenti".
