Législatives : la Corse exclue du Front Populaire
A manca, in Corsica, passani l’alizzioni ma unioni ùn ni veni !
Dopu à a so sclusioni da l’accordi NUPES in u 2022, a Corsica hè oghji sclusa da u « Front Populaire » di LFI, di Europe Ecologie Les Verts, di u Partitu Sucialistu è di u Partitu Cumunistu.
À senta ni à Michel Stefani, u capifila di u Partitu Cumunistu di Corsica, a dicisioni saria isciuta da i dirizzioni naziunali di LFI è di i Verdi.
Una dicisioni chì i si laca sbiguttiti, à quiddi ch’in Corsica di regula duvariani essa stati d’issu « Front Populaire ».
Masimu chì l’affari erani par avvià si bè issa volta, postu chì u Partitu Cumunistu avia porsu a so mani à l’Insoumis di Corsica, chì aviani avviatu accordi cù d’altri tindenzi.
Par contu soiu è innanzi à iss’annunciu, Ghjuventù di Manca n’avia chjamatu à l’unioni di i forzi di manca via un cumuicatu.
Si pudarà fà iss’unioni in Corsica, in razza d’un « Front Populaire » ch’ùn avaria valori ufficiali ?
Forsa chì di quissa, si ni riparlarà in l’ori à vena.
