Législatives : Jean Zuccarelli présente son programme
(A redazzioni d'Alta Frequenza) - Ultima settimana di campagna pà iss’alizzioni legislativi. Ultima settimana di battaghja dinò ind’a prima circuscrizzioni di Corsica Suprana, duva una triangularia trà Sauveur Gandolfi-Scheit, Jean Zuccarelli è Gilles Simeoni pari di più in più prubabili. Jean Zuccarelli, ghjustu appuntu, hà prisintatu oghji (luni) u so prugramma di diputatu s’ellu duvia essa elettu. Quattru assi, ben intesa in leia cù I sissanta pruposti di u presidenti di a Republica François Hollande, formani issu prugramma quì. Cù un Statu forti, dicintralizatu è sulidariu cù sforzi particulari nant’à a securità, un sviluppu durevuli à u serviziu di l’impiecu, u serviziu publicu è l’alloghju pà tutti, è a difesa di a maghjina è di i specificità di a Corsica. Nant’à issu puntu quì, u candidatu PS-PRG hà affirmatu chì Gilles Simeoni ùn avia micca u monopolu di a difesa di a Corsica. Altra fiacchina, contr’à Sauveur Gandolfi-Scheit stavolta, chì hè pà contu soiu u candidatu di u passivu di i cinqui anni di a presidenza Sarkozy.
Écoutez Jean Zuccarelli, serein malgré les tendances qui le donnent perdant actuellement.
