Législatives en Corse et forte progression des nationalistes : l'analyse d'André Fazi
(A redazzioni d'Alta Frequenza) - Dopu u tempu di i primi riazzioni, hè ghjunta l'ora di l'analisi dopu à ssu prima ghjiru di i legislativi nant'à l'isula, chì hà vistu trè candidati naziunalisti nant'à quattru qualificati pà u ghjiru chì veni. Pè a Corsica faci in fatti una cullata putenti ind'i sfarenti circuscrizzioni di Corsica, mentri chì les Républicains risistini è chì u bilanciu pà la République en Marche hè mezanu. Astenzioni forti, partiti ditti tradiziunali in dibbulezza, frà altru par via di i divisioni chì i toccani, tutti l'ingredienti sariani aduniti, senza essa ottimisti beati quantunqua, pà pudè mandà à u minimu, è saria un affari storicu, dui diputati naziunalisti in u Palazzu Bourbon. Risultati di Pè a Corsica aldilà di i previsioni di u politologu Andria Fazi, frà altru dopu à un episodiu di prublemi interni forti calchì simana fà in ssa famighja pulitica.
Steti à senta à Andria Fazi.
