Législatives : Camille de Rocca résiste à la poussée de Jean-Christophe Angelini
(A redazzioni d'Alta Frequenza) - S'annunziava un risultatu strintu ind'a siconda circuscrizzioni di Corsica Suttana. Hè statu u casu, ancu puru s'è cù 52,90% di i voti, Camille de Rocca Serra hè rialettu diputatu cù una bella avanza. U candidatu UMP hà dunqua ritrovu a vittoria, dopu à dui anni d'alizzioni difficiuli. Ghjuvan Cristofanu Angelini rializeghja quantunqua un bellissimu risultatu, cù 47,10%. Un risultatu storicu pà un candidatu naziunalistu ind'un'alizzioni legislativa. Da nutà chì ind'a cità di Purtivechju, Camille de Rocca Serra cunfirmeghja dinò u so risultatu di u primu ghjiru, essendu davanti à u candidatu naziunalistu chì avia guadantu l'ultimi cantunali.
