Législatives 2022 : Dylan Champeau sera candidat pour Insemi A Manca
Alizzioni lighjislativi : Insemi à Manca hà da prisintà un candidatu solu in Corsica, è sarà Dylan Champeau, candidatu in a siconda circuscrizzioni llu Pumonti.
A Corsica, com’è i DOM TOM, ùn ci entri in l’accordi naziunali d’unioni lla manca. Insemi à Manca spieca dunqua cussì a so pusizioni :
« Insemi à Manca hà prupostu à « La france Insoumise » è à u Partitu Cumunistu d’ùn prisintà chè issu binomiu in a siconda circuscrizzioni pumuntinca, è di sustena i candidati di l’unioni in i trè altri. Ma issa pruposta d’unioni ùn hè stata presa in contu, è mancu quand’idda si hè fatta l’unioni à liveddu naziunali ».
Eppuri, pensa Dylan Champeau ch’iddu si hè sempri à tempu par fà vincia a manca suciali in Corsica è ancu aldilà, « chì fatalità ùn ci n’hè, chì un’altra Corsica hè pussibuli, da risponda à l’urgenza suciali è climatica ».
Steti à senta à Dylan Champeau.
Sur le même sujet
