Le tunnel de Bastia de nouveau ouvert à la circulation
(A redazzioni d'Alta Frequenza) - Semi passati vicinu à un drama à meziornu in u tunnellu di Bastia. In fatti, c'hè statu un accidenti trà un picculu camiò è una vittura, suvitatu da un focu. Sicondu u DDSP di Corsica Suprana, Eric Eudes, ci saria statu dopu una baruffa, dopu à l'inticciu, trà i dui cunduttori, è unu avaria missu di manera vulintaria u focu à a so vittura. Unu di i dui autumubilisti hè dunqua statu presu da a pulizza par essa intesu, prima d'essa uspitalizatu in un stabilimentu psichiatricu, suffrendu soca di prublemi, mentri chì l'altru, feritu lighjeru, hè statu purtatu à l'uspidali di Bastia. Quaranta spinghjifochi sò stati mubilizati pà ammaistrà un focu difficiuli par via di a prisenza di prudutti chimichi nentru à una di i dui vitturi. Dopu una spertizia rializata da i servizi di a CTC, è calchì travaghju, u tunnellu hè torna apartu dipoi 8 ori è mezu ssu vennari da mani, libarendu di manera prugressiva Bastia di cundizioni di circulazioni divintati infernali.
Sur le même sujet
