Le tribunal de commerce de Marseille donne son feu vert au rachat de la MCM par Corsica Linea
(A redazzioni d'Alta Frequenza) - Focu verdi pà l'acquistu di a MCM (anziana SNCM) da Corsica Linea. Dopu à parechji rinvii, u tribunali di cummerciu di Marseghja hà dunqua resu a so dicisioni dopu u ricorsu postu calchì mesi fà da l'impiegati di u cumitatu d'intrapresa di a MCM. Ramintemi ch'elli cuntistavani i cundizioni di a cissioni di 100% di i parti di Patrick Rocca ind'a cumpagnia à u consortium Corsica Maritima. Sicondu u situ spicializatu Le Marin, u cumitatu d'intrapresa MCM-Corsica Linea avaria tralasciatu a so prucedura davanti u tribunali di cummerciu. Avanzati in internu avariani parmissu di fattu di truvà un accordu.
Sur le même sujet
