Le STC réclame un recrutement local des postes à responsabilité à Pôle emploi
Photo Via Stella
Ghjovi, erani in greva l’agenzi Pôle Emploi di a Corsica.
Iniziatu da u STC, issu muvimentu rispondi à a numinazioni d’una rispunsevuli di squadra in Aiacciu. Issa parsona hà fattu tutta a so carriera in francia, ed era in postu in Pruprià dipoi sittembri.
I parsunala facini rimprovaru « d’una pulitica di i piazzi purtata da a falsità, chì metti l’agenti corsi à u scartu lli posti di rispunsabilità, è di a poca pulitica d’evuluzioni di carriera pà l’agenti in postu à Pôle Emploi in Corsica ». Dumandani « a signatura d’una cartula di u impiecu lucali, da metta in anda a cursisazioni di i impiechi in tutti l’agenzi lla righjoni ».
U STC hè statu sustinutu in a ghjurnata da Gilles Simeoni è Jean-Guy Talamoni.
Dopu à un’ora di niguziati cù a dirizzioni, a diligazioni sindicali ùn hè isciuta cusì cuntenti da issu scontru. Puri ch’idd’achini ripresu u travaddu issa volta i grivisti, ani dittu ch’iddi ci sariani altri azzioni à vena.
