Le STC dénonce des problèmes de management au SDIS 2B
(A redazzioni d'Alta Frequenza) - Duranti una cunfarenza ssu ghjovi, u STC di i spinghjifochi di Corsica Suprana hà dinunziatu prublemi di management in u SDIS di Corsica Suprana. Sicondu u sindicatu, dipoi calchì mesi, u SDIS saria cunfruntatu à a missa in avanti di « picculi sceffi », accusati pà certi, sempri sicondu u STC, d’avè discorsi di disprezzu è diffamatorii è di praticà un accanimentu verbali. U sindicatu hà citatu in fatti u casu di mails contr’à un agenti bè pricisi pustati nant’à a reta interna à u SDIS, cù una situazioni chì hà fattu l’ughjettu di scambii micca pusitivi trà trè quadri di u SDIS. U STC metti in causa u management d’avè cunsidaratu com’è chjosu l’affari dopu una « razza d’inchiestaé sicondu u sindicatu. Liati à prublemi amministrativi, ssi pinseri facini chì u STC dumanda à i rispunsevuli pulitichi in carica di u SDIS di studià u cartulari, è pensa à l’ipotesi di una greva nova.
Steti à senta à Jean Malpelli pà u STC.
Sur le même sujet
