Le STC de l'hôpital de Bastia en grève pour demander des avancées sur le dossier du nouvel hôpital
Dipoi marti, u STC di u spidali di Bastia hè in greva illimitata, ma senza ch’iddu pesi l’affari à nantu à a midicatura.
A rivindicazioni prima d’issu muvimentu – chì si faci cù a calma – hè a publicazioni, à u più prestu, di u raportu di a cumissioni naziunali di i invistimenti di saluta (a CNIS) chì tratta di u spidali di Bastia.
U raportu hè statu fattu quindici mesa fà, ma i so chjudendi ùn sò ancu à publicà. Eppuri sò di gran’primura in u cartulari di u spidali novu, aspittatu da i parsunala, da l’usuaghji è da u mondu puliticu.
U STC spera ch’iddu avanzarà issu cartulari cù a greva, è prufitta ancu d’issu mumentu di mubilisazioni par ramintà i tinsioni in fatti d’effettivi, masimu à l’urgenzi, dopu à a missa in anda di a legi RIST.
Steti à senta à Stéphane Gherardi, à nomu di u STC di u spidali di Bastia.
Sur le même sujet
