Le statut de résident adopté par 29 voix à l'Assemblée de Corse
(A redazzioni d'Alta Frequenza) - 29 voti à prò, 18 voti contru è 4 eletti chì ùn ani micca participatu! Eccu u votu finali dopu à u dibattitu longu, s'hè compiu stamani (vennari) versu un'ora, annant'à u raportu chì cuncerna a prutezzioni di u patrimoniu fundariu. Ssu dibattitu, chì hè statu cintratu di manera faciuli annant'à u statutu di residenti, ùn avarà micca inghjinnatu dunqua un votu massiciu com'è u "votu di i 46" ma a maghjurità uttenuta da Paul Giacobbi hè quantunqua cunfurtevuli. A diritta micca unita, Anne Marie Natali, Antoine Sindali è Etienne Suzzoni ùn ani micca datu u so parè, a manca republicana, menu François Tatti chì ùn s'hè prununziatu manch'ellu è u gruppu Front de Gauche ani adunitu dunqua 18 voti contr'à un prughjettu chì par elli ùn pudarà arrigulà mancu appena i prublemi d'alloghji in Corsica. Priurità stamani pà u presidenti di l'Esecutivu di Corsica chì hà luttatu daveru pà fà adimetta un'idea simplici: ssu statutu di residenti ùn hè micca discriminatoriu.
Steti à senta à Paul Giacobbi.
