Le soutien de l'Associu Sulidarità aux détenus de Borgu
(A redazzioni d'Alta Frequenza) - Dopu ad avè scuntratu u presidenti di l'Assemblea di Corsica, Dumenicu Bucchini, marti scorsu, da trattà à maiò parti u cartulari difficiuli di l'avvicinamentu inde l'isula di i prighjuneri pulitichi, l'Associu Sulidarità hà tinutu issu sabbatu una cunfarenza di stampa davanti à a prighjò di Borgu. L'Associu vulia dinunzià un ambiu pessimu, intratinutu d'appressu à ellu da a direzzioni di u stabilimentu dipoi un pezzu. I ditinuti di Borgu, frà i quali i prighjuneri pulitichi, aviani dighjà fattu cunnoscia a so scuntentezza in principiu di settimana scorsa di pettu à u piazzamentu di i distributori di biendi è di manghjusca ind'u hall d'accolta di i visitori, è chì, d'appressu à elli, t'hà pà scopu unicu d'impona à issi stessi visitori di cumprà iss'affari quì postu chì l'accessu à issu lucali hè pruibitu à i prighjuneri. Iss'ultimi ani dunqua dicisu di fà un boycott di i parlatorii è di i cantini, da cuntistà una situazioni chì hè vissuta da l'Associu Sulidarità com'è quilla di "u troppu stoppia". Cundizioni, d'appressu à Dumè Tafani, vulsuti è "diretti da fà chì l'avvicinamenti di i prighjuneri pulitichi ùn si fessini micca".
Écoutez-le.
Sur le même sujet
