Le Secours Catholique lance un camion-laverie qui prendra bientôt la route en Haute-Corse
Sò trè sittimani ad avali chì un camiò un pocu spiciali si hè fattu piazza in a corti di u risturanti suciali di u Succorsu Catolicu, in Bastia.
Di fatti, issu camiò faci lavapanni è siccapanni : i parsoni in difficultà ci poni purtà a so robba, è lavà la ùn costa chè un euro. In u camiò, ci hè ancu un scagnu par aiutà in i so dimarchji suciai i parsoni chì si prisintariani.
Un altru annu, issu camiò chì hè custatu 87 000€, hà da fà strada, difiniti ch’iddi sarani da i binivulanti u so modu di funziunamentu è u ghjiru à fà. In prima, forsa si circarà à tuccà l’arghja stesa di Bastia.
L’associu, d’altrondi, circa i loca ind’iddu si pudaria imbrancà à l’acqua è à l’elettricità u camiò, chì sidinò ùn pudarà viaghjà.
Steti à senta à Alexis Plassais, animatori di u succorsu catolicu di Corsica.