Le SC Bastia présente son projet ce soir à Bastia
(A redazzioni d'Alta Frequenza) - Ssu ghjovi, u Sporting Club di Bastia s'hà da ghjirà ver di l'avvena. In fatti, duranti una riunioni publica à sei ori è mezu di sera à u teatru di Bastia, i dirighjenti, u staff tennicu è i ghjucadori sarani nant'à a scena pà prisintà u prughjettu spurtivu è socio ecunomicu di u club pà i cinqui anni chì venini. Cuncipitu cù l'aiutu di u cabinetu di consulting, quissu quì parlarà di parechji sughjetti com'è l'ambizioni spurtivi di u club, u sviluppu ecunomicu di ss'ultimu, ma ancu i so ambizioni à u nivellu di u tissutu socio ecunomicu corsu di manera più ghjinirali. S'è u primu prughjettu elaburatu dopu à a ricullata in Lega 2 si chjamava "Franchemu u Passu", è fù rializatu più in furia cà privistu, quissu quì si chjama "A Corsica Vince". L'intrenori bastiacciu Frédéric Hantz è i capitani di a squadra si sprimarani anch'elli pà cumplittà a prisintazioni di u prughjettu.
Sur le même sujet
