Le Rinnovu appelle à la mobilisation du mouvement national après la visite de Manuel Valls
(A redazzioni d'Alta Frequenza) - Avà basta ! Hè à l'ingrossu u missaghju ch'ellu voli fà passà u Rinnovu dopu a visita pocu fà di u prima ministru, Manuel Valls in Corsica. Ssa visita, qualificata di fiascu puliticu, dimostra sicondu u Rinnovu chì a porta hè sarrata à doppiu tornu da un Manuel Valls apparagunatu à u presidenti turcu Recep Erdogan. Cunvintu chì a lotta istituziunali t'hà i so limiti, u Rinnovu hà mandatu una lettara à tutti i cumpunenti di u muvimentu naziunali è spera di pudè aduniscia à a fin d'aostu par appruntà una mubilisazioni da quì à a riintrata sottu a forma di una manifistazioni maiò. Pà u Rinnovu, u populu corsu devi fà senta i so diritti di pettu à l'assenza di dialogu, ancu s'è u guvernu attuali t'hà solu calchì mesi à passà à u puteri.
Steti à senta à Paul Félix Benedetti pà u Rinnovu.
Sur le même sujet
