Le Riacquistu Ecunomicu è Suciali est en marche
(A redazzioni d'Alta Frequenza) - Cunfarenza di stampa di l'ADEC ghjovi pà stampà, pà ssu principiu di l'annu, un cambiamentu veru in a strategia ecunomica missa in ballu da l'assemblea di Corsica nova. Dopu à l'aduzzioni à a fini di u 2016 di u Schema Regiunali di Sviluppu Ecunomicu d'Innuvazioni è d'Internaziunalisazioni, u famosu SRDEII, l'Agenza di Sviluppu Ecunomicu di a Corsica và più luntanu. À mezu à i misuri d'urghjenza dighjà missi in ballu, si pò cità una crescita di 45% di u bughjettu di l'azzioni ecunomica, ma oghji l'agenza prisenta una mansa di misuri uparaziunali pà risponda à i bisogni di l'ecunumia corsa. Raziunalisazioni è simplificazioni di l'arnesi finanziari, simplificazioni di u dispusitivu d'accumpagnamentu à l'intrapresi, piattaforma di ricerca d'intrapresi in difficultà, sò solu calchì misura à mezu à tant'altri chì duvariani sbuccà nant'à un veru Riacquistu Ecunomicu è Suciali. L'ADEC hà prisintatu i risultati dighjà arrighjistratu è dittu chì mezi finanziari sò oramai dispunibuli.
Steti à senta à Jean Charles Vallée, u direttori generali di l'ADEC.
