Le procès en appel des soutiens présumés à Yvan Colonna durant sa cavale s'ouvre aujourd'hui
(A redazzioni d'Alta Frequenza) - Prucessu in appellu oghji (ghjovi) di i sustegni supposti d'Yvan Colonna quand'ellu era in libertà. Cinqui parsoni passani dunqua torna davanti à l'8a camara di u tribunali di Parighji. A prima volta, cundanni da 10 mesi à trè anni di prighjoni di modu attimpatu erani stati prununziati. Dopu à un appellu di u ministeru publicu, Frédéric Paoli, chì avia presu 10 mesi di modu attimpatu, André Colonna d'Istria è Patrizia Gattaceca cundannati tramindui à 2 anni di modu attimpatu, ma ancu Marc Simeoni (3 anni attimpati) si ritrovani dunqua davanti à a ghjustizia. Claude Serreri, l'ecchisi cugnatu d'Yvan Colonna, chì ùn avia presu nulla par contu soiu, a ghjustizia avia ritinutu solu u simplici "recel de malfaiteur", passa anch'ellu davanti à a ghjustizia. Pà tutti l'altri, una rilazioni cù un'intrapresa terrurista hè pinsata. Omu s'arricorda di a mubilisazioni di a Corsica pà sustena i so sustegni : "on a tous hébergé Yvan", eccu u slogan largamenti spartutu inde l'isula.
Sur le même sujet
