Le Président de la République en visite en Corse ces deux jours
(A redazzioni d'Alta Frequenza) - Hè ssu marti dunqua ch’ella principia pà dui ghjorni a visita di u Presidenti di a Republica in Corsica. Una prima ghjurnata in Aiacciu chì Emmanuel Macron hà da principià cù a ceremonia d’umaghju à u prifettu Erignac, 20 anni dopu u so assassiniu, cù a prisenza di u ministru di l’Internu di l’epica è « amicacciu di a Corsica » Jean Pierre Chevènement. In principiu di dopu meziornu ci sarà un intrattenu in casa cumuna cù Laurent Marcangeli, nanzi à una visita di u museu Fesch è infini, in principiu di sirata, un scontru in u Grand Hôtel cù i presidenti Simeoni è Talamoni. Seguita di a visita dumani (marcuri) in Corsica Suprana, in San Ghjulianu, nant’à i tarri di l’Istitutu Naziunali di a Ricerca Agronomica è un discorsu puliticu u dopu meziornu in u centru culturali l’Alb’Oru di Bastia cù annunzi impurtanti chì sò aspittati.
Sur le même sujet
