Le PNC et Avanzemu tirent à boulets rouges sur le budget de la Collectivité de Corse
« Inerzia, mancanza di prughjetti, mancanza d’ambizioni è di quadru puliticu » : U PNC è Avanzemu si sò fatti senta marti, par dinuncià a pessima situazioni finanziaria di a cullittività di Corsica.
À senta ni à Jean-Christophe Angelini, si tratta ancu chivi di u bugettu u peghju d’issi vinti anni, un bugettu chì si smintica i fundamintali, è supr’à tuttu i corsi.
Stradi, lingua corsa, trasporti… Hè longa, pà u PNC, a lista di i parti di l’ecunumia lacati à ribaldonu da a dirizzioni tarrituriali.
Arrestu di parichji travadda, ritardi di pagamenti…. Parlani ancu, l’eletti d’Avanzemu, d’inattività è d’incumpitenza.
Par Pascal Zagnoli, si tratta chivi d’un bugettu di rinunciamentu.
« S’idda fussi stata, a cullittività, una impresa privata, à certi di i so dirigenti li saria difesa di gistì », hà dittu u sicritariu naziunali di u PNC.
Avanzemu pruponi ch’idda si ritrovi prestu bè a cumissioni di i finanzi. Da quì à a fini llu mesi, u PNC è Avanzemu ani da urganizà un siminariu par trattà di l’autunumia fiscali.
Steti à senta à Jean-Christophe Angelini.
Sur le même sujet
