Le plan pluriannuel d'investissements de l'agglomération de Bastia présenté aux socioprofessionnels
80 miliona d’auri, o ancu 105 cù u PTIC, eccu u costu lli travadda ch’idda conta avvià a Cumunità dAgglumirazioni Bastiaccia da quì à u 2026.
Issi travadda, issi prughjetta, sò stati prisintati à i cusì ditti « sucioprufiziunali ».
Calchì sittimana fà, s’era parlatu aghjà di u stadiu Armand Cesari. Oghji, l’attinzioni si hè purtata principalmenti à u quartieri di Toga, è à u sud di l’agglumirazioni.
In Toga, si spera di metta in anda u trennu-tram, di fà spuntà un ecoquartieri versu l’anzianu spidali, di ridà fiatu à u spaziu trà u portu di cumerciu è u portu di i sciali, o ancu di cumprà à u gruppu Spada una parti lli bastimenta llu portu di Toga, chì sò à ribaldonu, da stallà ci calchì impresa.
Pà a parti sud, si pensa à riaccuncià i sittori industriali à ribaldonu longu à a strada tarrituriali, à lià i zoni d’attività trà Erbaghjolu è Pastureccia, ma ancu à dispiazzà u stadiu llu Bastiò, da fà spuntà un centru borgu in Furiani.
Louis Pozzo di Borgo, u prisidenti lla CAB, dici ch’iddu ci credi à u finanzamentu PTIC, ben’ch’iddi ci sichini discordii trà u prifettu è a maiurità tarrituriali.
U stemu à senta.
Trà i « sucioprufiziunali » prisenti, c’era a fidirazioni llu BTP llu Cismonti.
Dominique Antoniotti, u so prisidenti, pensa chì a cumanda publica hè un beddu arnesu, da ridà fiatu à un sittori beddu scuzzulatu, com’è tanti altri, da a crisa llu Covid.
Stemu lu à senta.
