Le plan Grand-froid présenté en Haute-Corse
(A redazzioni d'Alta Frequenza) - Prisintazioni di u pianu grandi fretu pà a Corsica Suprana ghjovi. U prifettu di u Cismonti Louis Lefranc è Philippe Tejedor,u direttori dipartimintali di a cuesioni suciali, ani prisintatu u pianu pà st’inguernu. S’è quissu quì hè soca menu difficiuli à custruiscia cà inde d’altri dipartimenti, postu chì i timperaturi facini chì u primu nivellu ùn hè guasgi mai trapassatu, ferma quantunqua un inghjocu di primura. Sò in fatti 25 posti d’alloghju in più, soprattuttu in Balagna è in Piaghja Urientali, chì s’aghjunghjarani à i 100 posti d’annu fà, senza cuntà i posti chì poni essa libarati in casu d’evenimentu eccezziunali. Annu, guasgi 380 parsoni ani apprufitatu di iss’alloghji quì, à 1094 nuttati. Parsoni ghjunghjendu pà 75% di i paesi fora di l’Unioni Aurupea appiendu in mezana una quaratina d’anni.
On écoute Philippe Tejedor à ce sujet
Sur le même sujet
