Le plan déchets de la CAPA sera bien compatible avec la loi sur la transition énergétique
(A redazzioni d'Alta Frequenza) - Prublematica di i rumenzuli : mentri chì i tinsioni inghjiru à i centri d'intarru di i rumenzuli di l'isula voltani cù putenza è lacani spuntà una crisa nova nanzi à l'istati, ci n'hè d'altri chì travaghjani pà l'arrigulamentu nant'à u fondu di u prublema. A CAPA par asempiu, prima pruduttori di l'isula, hà travaghjatu assai nant'à u so pianu d'eliminazioni. Arrimbatu à un'unita di spiccu è di valurisazioni energetica, ssu pianu hà da parmetta di sminuiscia propiu i carichi chì pesani nant'à i centri d'intarru di i rumenzuli di l'isula. Ségolène Royal l'hà annunziatu luni : u Statu s'hà da impignà com'ellu ci voli in ssa dimarchja s'è u prughjettu di a CAPA pò andà cù a legi di transizioni energetica. A CAPA hè stata piuttostu cuntenta di u scontru cù Ségolène Royal. U so pianu sarà bè in leia, parchì u travaghju sarà rializatu in cullaburazioni stretta cù i servizi di u Statu è in cuerenza tutali cù u schema glubali di u SYVADEC.
Steti à senta à Jean Jacques Ferrara, u presidenti di a CAPA.
Sur le même sujet
