Le nouveau complexe sportif de Ghisonaccia sera inauguré dimanche
Issa duminicata, hà da essa inauguratu u spaziu spurtivu di a Strada di u Mari, in a Ghisunaccia.
Dopu à parichji anni à pinsà ci, è altri è tanti di cantieri, hè infini natu issu spaziu.
Duminica, u publicu ci hà da pudè scopra unu spaziu cù dui tarrena di ballonu, una tribuna cuparta di 500 piazzi, i spuddatoghji ben’intesa, tarrena di bocci è un skatepark.
Novi miliona sò stati invistiti par fà issu spaziu.
A cumuna hà finanzatu circa 20 % di u prughjettu, l’altri 80 % issendu stati presi in contu da a Cullittività di Corsica è da u statu.
Duminica, ci s’ani da ghjucà, in quissu u spaziu, dui finali di cuppa di Corsica : à quattru ori, u FC Balagna si hà da pittughjà à Bastilicaccia pà a finali di i maiori.
À sei ori è mezu, a finali U18 hà da metta in cunfrontu u FC Balagna è Afà.
