Le mouvement de grève des sages-femmes s'intensifie à l'hôpital de Bastia
(A redazzioni d'Alta Frequenza) - Dipoi dui mesi, in Francia sana, boni donni numarosi chì travaghjani ind'u mezu di l'uspidali lottani pà chì u so statutu di mistieri medicali, ricunnisciutu in altrò, u sighi dinò inde l'uspidali publichi, duva elli sò cunsidarati par avà com'è infirmieri. U muvimentu di greva, chì ùn si vidia micca fin'è oghji è senza vera cunsiquenza grazia à u ghjocu di i cunvucazioni, l'autorità cunvuchendu i grevi à u so postu pà assicurà a cuntinuità di i curi, hè divintatu più forti ssa dumenicata. In fatti, inveci d'andà direttamenti à u so postu senza aspittà qualsiasi cunvucazioni, i grevisti ani dicisu oramai di stà si ni in casa soia pà aspittà chì calchissia li purtessi di manera propiu ufficiali ssa cunvucazioni. À l'uspidali di Bastia, pocu impremi l'appartinenza o micca di ssi boni donni à un sindicati chì sò in greva, ssa manera di fà hè stata appiecata.
Steti à senta à Aude Cruciani, bona donna in greva à l'uspidali di Bastia.
Sur le même sujet
