Le ministre de l'Intérieur arrive ce mercredi soir en Corse
(A redazzioni d'Alta Frequenza) - U ministru di l'Internu, Bernard Cazeneuve, sarà in visita in Corsica duranti dui ghjorni. Ghjunghjarà stasera (marcuri) versu 8 ori in Aiacciu in prifittura pà un ripastu republicanu. Ssu ghjovi, sempri in prifittura, sarà in riunioni cù i servizi di securità, prima d'andà in casa cumuna pà scuntrà à Laurent Marcangeli. In fin di matinata, sarà di ritornu in prifittura pà un discorsu annant'à a piazza di u Statu in Corsica davanti à l'eletti è l'agenti di a prifittura par asempiu, prima d'andà à un ripastu à a Cullittività Tarrituriali di Corsica, cù i presidenti di l'Assemblea è di u Cunsighju Esecutivu è i presidenti di gruppi. Altri scontri sò privisti dinò ind'a Cità Impiriali, prima di parta in Corti in mità di dopu meziornu è una visita frà altru di l'Unità di struzzioni è d'intarvinzioni di a securità civili 5, è un'ultima arretta in Bastia induva Bernard Cazeneuve sarà ricivutu da Gilles Simeoni.
