Le MCD laisse ses adhérents et sympathisants libres pour la présidentielle
(A redazzioni d'Alta Frequenza) - Calchì ghjornu fà, duranti a so assemblea generali, u Muvimentu Corsu Demucratu hà amintatu u sughjettu difficiuli di a prisidinziali cù invitati di fora com'è u presidenti di u Cunsighju Dipartimintali di Corsica Suprana, François Orlandi, Petru Ghionga, o ancu u raprisintanti di l'Ordini di l'avucati di Bastia, maestru Jean Sébastien de Casalta. S'è certi membri di u MCD, com'è Julien Morganti chì s'hè ingaghjatu à prò d'Emmanuel Macron dipoi parechji simani, ani dighjà fattu a so scelta parsunali, u partitu pà contu soiu hà dicisu di lacà i so aderenti è simpatizanti libari di fà a so scelta, cù com'è andatura l'impurtanza di ghjirà u spinu à i stremisimi è à i cunservatisimi.
Steti à senta à François Tatti, u presidenti di u MCD.
