Le gaz naturel liquéfié et son usage dans le transport maritime au centre d'un séminaire à Bastia
(Julien Pernici - Alta Frequenza) -Sarà u gasu naturali liquificatu l’avvena llu trasportu marittimu ? In ugni casu, eccu a scumissa ch’iddi facini l’auturità è i cumpagnii marittimi. Luni, ci hè statu un siminariu à issu sughjettu, chì accuddia prufiziunali è cullittività di Corsica, di Sardegna, di a righjoni PACA, di Liguria è di Tuscana. Issa ticnulugia, ditta d’avvena à senta à certi, hè dighjà quidda di l’oghji in certi loca : in Finlanda, in u 2017, a cumpagnia Tallink hà inauguratu un cruise-ferry à u GNL. S’iddu porta parichji avantaghji, u GNL dumanda dinò invistimenti in quantità. Iss’invistimenti, tandu, ci vurria à mutualizà li trà isuli è righjoni cunfinanti, com’idda a ci spieca Vannina Borromei, a cunsigliera esecutiva prisidenti di l’Uffiziu lli trasporti lla Corsica.
