Le Direct

Le FLNC revendique la dernière Nuit Bleue de Corse

(A redazzioni d'Alta Frequenza) - U FLNC hà rivindicatu stasera (marcuri) i 31 attentati accaduti pocu fà nant'à l'insemi di u tarritoriu ; una campagna rializata "contr'à a speculazioni immubiliari" priciseghja u muvimentu. U FLNC volta dinò nant'à a visita di Manuel Valls, "un ministru di l'Internu chì pari essa stupitu da issa resistenza naturali, andendu ancu fin'à veda ci tarrurisimu o razzisimu". È l'urganisazioni clandestina di cuntinuà "ùn semi micca razzisti postu chì ùn sceglimi mai di tuccà i parsoni ma u fattu d'impatruniscia si di a nostra tarra". È d'ammintà elementi in sciffri : "sò 85 000 residenzi ditti sicundarii chì sò custruiti in Corsica"...."cunsidarendu chì a mità hè appighjunata l'istati, ..., sò 800 millioni d'auri chì sò arrubati tutti l'anni à l'ecunumia corsa" scrivi u FLNC ind'u so cumunicatu rivindicativu. Infini u muvimentu si dici prontu à pighjà "un'iniziativa storica, cuntribuzioni maiò à a paci ch'ellu aspetta u nostru populu", vultendu si ver di l'Assemblea di Corsica, "matrici istituziunali" di issa paci, cù una "matrici pulitica" chì hè u "rispettu di i diritti suvrani". In cunclusioni, u FLNC stima chì "cù l'annunziu di iss'iniziativa storica", pighja i so rispunsabilità è ingaghja "tutti l'attori pulitichi à fà listessa".