Le feuilleton de la rénovation du quartier du Puntettu continue
(A redazzioni d'Alta Frequenza) - Novu episodiu stamani (marti) di a seria nant’à u rinnovu di u centru anzianu è più particularmenti u rinnovu di u quartieru di u Puntettu in Bastia. In fatti, u cumitatu di quartieru di u Puntettu hà tinutu una nova cunfarenza di stampa da incalcà nant’à a so scuntentezza di pettu à i dichjarazioni di Marie-Claire Poggi, aghjunta à u merri di Bastia dilegata à a riabilitazioni. L’abitanti di u quartieru dicini ch’elli ùn ani mai dumandatu u pagamentu sanu di i travaghji, à l’arringuerciu di ciò ch’ella hà affirmatu pocu fà l’aghjunta. Sottulineeghjani dinò u fattu di ùn essa mai stati cunsultati pà una cuncertazioni nant’à l’avvena di u quartieru. Cuntinuendu à prupona alternativi à a distruzzioni di i so alloghji, quissi quì invitani d’altrondi i bastiacci à una festa di quartieru. Vennari à 6 ori è 30 di sera, da spiecà a so dimarchja ind’un ambiu fistivu cù canti è musichi di sfarenti artisti corsi.
On écoute Jean Vivarelli pour le comité de quartier.
