Le Festival de musique électro Mi débarque au stade François Coty d'Ajaccio jeudi et vendredi
(A redazzioni d'Alta Frequenza) - Mi, u Fistivali : sarà dumani è vennari à sera in u stadiu François Coty di l'AC Aiacciu. L'evenimentu di musica elettronica u più maiò ghjunghji dunqua in a Cità imperiali cù artisti di rinonima : Petit Biscuit – Martin Solveig – Mome – Paul Kalkbrenner frà altru. Un evenimentu chì parmetti di mutualizà l'infrastruttura spurtiva prupunendu manifistazioni fistivi di prima trinca. L'idea hè di mutualizà ssu gennaru di rialisazioni cù, parchì micca pà l'avvena, un partinariatu trà Pumonti è Cismonti. U Fistivali Mi hè dinò un appuntamentu ecunomicu impurtanti chì batti à prò à u più di i pristatarii isulani. A manifistazioni t'avarà dinò un dispusitivu di securità di quilli putenti, una cunfarenza di stampa pà prisintallu hè stata urganizata d'altrondi in Prifittura di Corsica, ci vultaremi. U perimetru di securità sarà chjosu è trasporti in cumunu spicifichi sarani missi à dispusizioni. Tutti l'infurmazioni da ritruvà nant'à u situ internet di l'ACA, www.ac-ajaccio.corsica. Un appuntamentu culturali chì ùn duvaria micca essa l'ultimu, eccu a brama di Léon Luciani.
Eccu l'intervista di u presidenti di l'AC Aiacciu.
