Le dossier de l'hôpital de Bastia de nouveau évoqué à l'Assemblée Nationale
Vennari, si hè parlatu dinò di a custruzzioni di un spidali novu in Bastia.
Michel Castellani, u diputatu di a prima circuscrizzioni di u Cismonti, hà dumandatu ch’iddu sichi publicatu à u più prestu u raportu di a cumissioni naziunali d’invistimenti di saluta, chì hè statu fattu ch’hè più d’un annu.
agnès firmin le bodo, a ministra diligata à l’urganisazioni tarrituriali è à i mistiera di a saluta, hà dittu chì u raportu è i so chjudendi duvariani essa pronti innanzi à a fini di l’istati.
Issa risposta ùn cunveni à Michel Castellani, chì t’hà a imprissioni chì u statu circa sempri à scantà issu cartulari.
Steti lu à senta.
