Le député Michel Castellani à la rencontre de collégiens bastiais
(A redazzioni d'Alta Frequenza) - Intarissà l'adulescenti à a manera di viaghjà di a demucrazia ! Era u scopu di a ghjunta calchì ghjornu fà di u diputatu di u prima circondu di Corsica Suprana Micheli Castellani in u culleghju Simon Vinciguerra di Bastia. Rollu di u diputatu, vita à l'Assemblea naziunali, dumandi numarosi sò stati posti da i culleghjenti accumpagnati da i so prufissori à u parlementariu. Una dimarchja pedagogica impurtanti par infurmà i citadini di dumani, à u mumentu induva a pupulazioni, è soprattuttu a ghjuventù, si primureghja di menu in menu di a pulitica.
Steti à senta à Micheli Castellani, u diputatu di u prima circondu di Corsica Suprana.
