Le Cullettivu di i Sustenitori Bastiacci suspend ses activités
(A redazzioni d'Alta Frequenza) - Ind'un cumunicatu publicatu ssu marti à sera, u Cullettivu di i Sustenidori Bastiacci hà annunziatu a suspensioni di i so attività. Una dicisioni presa da tutti i portavoci è animatori di u CSB è mutivata, par asempiu, da u fattu chì, sicondu u cullettivu, "u CSB è i so portavoci sò divintati oghji un ghjocu pà assai parsoni", ch'ella sia "pà parsoni fora di u club [...] o ancu pà u club chì vularia ammaistrà ssu spaziu di parolla libara chì firmendu à tempu ind'i reguli di a discussioni hà fattu sempri cunnoscia a visioni sustenidori di u club, ancu quandu quissa quì diragnava". U CSB cunsidareghja di fattu "chì cù a stutturazioni inziata da u club, è par asempiu a prisintazioni di u prughjettu "A Corsica Vince" è [u CSB pò] rigrettà l'appruntera senza cunsultazioni di u CSB, chì avia pussutu fà ricullà a voci di u populu turchinu com'ellu l'hà sempri fatta, una paghjini si ghjira di manera difinitiva". CSB chì ricusa "u rollu di fà valè ind'u quadru di a prossima prisintazioni in ditagli di u novu prughjettu à i sustenidori" è dici chì a so "voglia a più maiò hè d'ùn intarvena più oghji".
Sur le même sujet
