Le Covid-19 devrait disparaître avec l'été selon une étude de l'Académie Nationale de Médecine
L'Accademia Naziunali di Midicina, chì a so missioni hè di risponda à u guvernu par ciò chì tocca à a saluta publica, hà dittu via u so situ internet chì u Covid- 19 pudaria spariscia, in l’emisferu nordu, toccu l’istati.
U dibattitu curri chì sò uni pochi di mesa ind’è i scintifichi, ma pari ch’idd’affacchi oramai issa tindenza, chì veni quantunca in cunfirma di ciò ch’iddu dicia u prufissori Raoult.
In risposta à una dumanda di l’Accademia, medichi è spiziala ani accoltu dati in francia, in Auropa, in i Dom Tom è in Africa.
Paragunendu i sciffri, hè statu fattu issu custatu : in Auropa, quand’iddu faci 11 gradi, a cuntaminazioni tocca un parcintuali di 2,5 %. In Africa inveci, cù 35 gradi, issu parcintuali cala à 0,03 %, vali à dì ch’idd’hè guasgi 100 volti menu impurtanti.
L’Accademia di Midicina spieca ancu chì in l’isula di a Riunioni, i viaghjadori ghjunti malati ùn ani micca spartu u siscu. Pari tandu chjara a chjudenda : ci saria à veru un effettu di u climu à nantu à l’epidemia, postu chì più ci hè u caldu, menu si sparghji u siscu.
Sur le même sujet
