Le corps d'un passager d'un ferry repêché au large de la Corse
(A redazzioni d'Alta Frequenza) - Ind’un cumunicatu publicatu nant’à u so situ internet, a prifittura marittima di u Mediterraniu faci sapè chì eri dopu meziornu (marti), u CROSS MED hè statu chjamatu da u ferry « Carthage » chì era in Marseghja è chì avia viaghjatu trà Tunis è Marseghja, chì un omu di 27 anni era forsa cascatu in mari duranti u viaghju, a mani, mentri chì u battellu era à l’ingrossu à 100 chilometri à u Nordu punenti di a Sardegna. U CROSS MED hà mandatu tandu sopralocu l’elicotteru Super Puma di l’armata di l’aria di a basa di A Sulinzara. Quissu quì hà lucalizatu un cadavaru ind’a sirata. Quissu quì hè statu rimandatu in Corsica è identificatu com’è quillu di u passaghjeru di u ferrry Carthage. Un’inchiesta hè stata aparta da a gendarmeria marittima.
Sur le même sujet
