Le corps d'un homme repêché dans le port de commerce de Bastia
(A redazzioni d'Alta Frequenza) - U cadavaru di un omu hè statu scupartu versu meziornu (marcuri) ind'u portu di cumerciu di Bastia. Sò ciuttadori chì l'ani trovu. Sicondu i primi elementi racolti, u cadavaru era à l'ingrossu à 15 metri di prufundezza è à una trentina di metri di a calata. I ciuttadori di i pumpieri di Corsica Suprana chì l'ani fattu ricullà à gallu. A gendarmeria maritima è a pulizza sò andati sopralocu pà rializà i primi custatazioni. Saria un omu di una vintina d'anni d'urighjini maruccana senza alloghju fissu. L'autopsia sarà rializata issu vennari. L'inchiesta hè stata cunfidata à a DDSP di Bastia.
Sur le même sujet
