Le consortium Corsica Maritima devrait intégrer prochainement le capital de Corse-Matin
(A redazzioni d'Alta Frequenza) - U consortium Corsica Maritima duvaria entra da quì à pocu nentru u capitali di u ghjurnali Corse Matin. In fatti, a sucità CM Holding, chì t'hà a cumpagnia marittima Corsica Linea, hà ingaghjatu neguziati sclusivi cù u gruppu La Provence è u so azziunariu maghjuritariu, Bernard Tapie, pà una presa di participazioni à u capitali di Corse Matin à 35%. U scopu : fà chì l'intrapresa ùn sighi più in una situazioni ecunomica fragili è ch'ella si sviluppessi di più à prò di a Corsica è di i Corsi. Un'intrata in u capitali chì si pudaria traducia, parchì micca, da quì à pocu tempu, da una participazioni più impurtanti o ancu tutali. Pà CM Holding, ùn si tratta micca d'avè com'è scopu di diversificà i so attività à tutti i patti, mentri chì u so presidenti a dici d'una manera sicura : l'indipendenza redazziunali sarà bè guarantita.
Steti à senta à François Padrona.
Sur le même sujet
