Le Conseil Scientifique plaide pour que les écoles restent fermées jusqu'en septembre
In a so cumunicazioni di u 13 d’aprili, u prisidenti lla ripublica francesa avia dumandatu un avvisu à u Cunsigliu Scintificu, pà l’apartura di i ciucciaghji, scoli, culleghji, licea è università.
L’avvisu d’issu Cunsigliu, datu u 20 d’aprili, ricumandaia di lacà issi stabilimenti chjusi sinu à u mesi di sittembri.
Eppuri, u guvernu hà fattu a scelta di riapra i stabilimenti d’insignamentu à parta si di l’undici di maghju.
Ben’ch’idd’ùn sichi à favori d’issa dicisioni, dici u Cunsigliu Scintificu ch’iddu n’hà presu nota. Cusì, in una nota cumplimintaria, hà fattu un listinu di ricumandazioni à rispittà, tocca a riapartura.
Trà issi misuri, hè mintuvata a nicissità d’avè unu scartu d’un metru à u minimu da ugni parti, masimu pà i toli, ma diò pà i curridori è i scali.
Ma dici u Cunsigliu ch’iddu hè cuscenti bè di a difficultà di l’affari. S’idd’ùn si pò fà cussì, ci vurrà à pinsà à suluzioni di riscambiu.
U Cunsigliu Scintificu arricumanda ancu ch’iddi manghjini in ziteddi in a sala di scola, à a so tola.
À i cullighjanti, liceani è parsoni maiori, li tuccarà à purtà mascari.
