Le conseil municipal d'Aiacciu vote à l'unanimité l'acquisition de la citadelle pour 1,3 M€
(A ridazzioni d'Alta Frequenza) - U cunsigliu municipali strasurdinariu d’Aiacciu hà vutatu luni à sera a comprita lla citadella, chì custarà 1,38 millioni d’auri. Si pudaria fà prestu prestu u trasfirimentu difinitivu,forsa in i trè mesa à vena, à senta à Laurent Marcangeli. Issa citadella, custruita da i ghjinuvesi un mezu milleniu fà, hè sempri stata accupata da suldati. I ghjinuvesi in prima, i truppi di Sampieru à a mità llu XVIu seculu, eppo’ ben’intesa i francesi. À u XVIII seculu, i Naziunali di Pasquali Paoli aviani pruvatu à piddà si la, ma ùn ci sò sbuccati. À l’epica di Napulionu, una parti lli mura hè stata lampata, da stenda u spaziu lla cità è dà li fiatu. Oghji, issu spaziu curri à nantu à 2,6 ettari, in cor’ di cità è apartu à u mari. U prezzu di 1,38 millioni d’auri, pari ch’iddu cunvenga à tutti, chì ancu l’uppusizioni à vutatu par issa comprita.
Sur le même sujet
