Le Conseil exécutif de Corse demande aux représentants de l’Etat l’ouverture immédiate d’une concertation sur les mesures de lutte contre le Covid-19
« A situazioni epidemica hè pighjurata in parichji paesa d’Auropa. In Corsica, pari ch’iddu sichi u stessu affari, masimu in Balagna è San’Fiurenzu », hà dittu in un cumunicatu u cunsigliu esecutivu lla Corsica.
« Parvia di quissa, i prifitturi llu Cismonti è llu Pumonti ani dittu arimani ch’iddi sariani missi in anda subitu misuri chì sò à veru strinti, masimu à liveddu turisticu, ecunomicu è cumirciali.
L’esecutivu lla Corsica rigreta chì issi dicisioni statali si sichini fatti senza cuncirtazioni micca. A tilifunata, calchì minuti innanzi à l’annunciu ufficiali, ùn hè tandu chè un neci ».
« Scantà i stituzioni lla Corsica è l’attori llu tarrenu da u prucessu lli dicisioni, sdici cù u sensu lli scritti chì reghjini i raporti trà u statu è a Corsica dipoi u 1982, à l’epica di u primu statutu particulari. Issa poca cuncirtazioni veni à indibulì l’accittabilità lli dicisioni ».
« L’ughjittivu cumunu hè di truvà a strada bona trà a prutizzioni è a sicurità sanitaria, è u mantinimentu d’una vita nurmali, ancu mentri l’istati, staghjoni impurtanti sempri pà a Corsica ».
« U Cunsigliu esecutivu lla Corsica dumanda di manera sullenna à i prifetta llu Cismonti è llu Pumonti d’urganizà senz’altru una riunioni trà tutti i parti ».
Sur le même sujet
