Le Conseil Départemental de Haute-Corse a clos son histoire
(A redazzioni d'Alta Frequenza) - Volta dighjà u lumi, è u filmu hè compiu. Era l'ultima seenza di u Cunsighju Dipartimintali di Corsica Suprana ssu vennari in Bastia. C'era l'emuzioni di sicuru pà l'eletti attuali, ma dinò pà l'anziani, chì aviani rispostu à a chjama, anziani di prima trinca com'è Jean Baggioni, Henri Zuccarelli o Ange Rovere, à mezu à tant'altri, chì sò stati invitati da u presidenti François Orlandi pà ritruvà, u tempu di ss'ultima seenza, i sedii bioti di l'emiciculu pà u simbulu. Calchì raportu hè statu speditu prima di chjoda una parti impurtanti di a storia di a Corsica. È François Orlandi, chì sarà à partasi da u 2 di ghjinnaghju un cunsighjeru tarrituriali à mezu à tant'altri inde u gruppu di Jean Charles Orsucci, t'avia ben intesu una certa emuzioni à trasmetta.
Steti à senta à François Orlandi.
