Le conflit opposant la Ville d'Ajaccio à la CdC s'est invité au conseil municipal ajaccien hier soir
(A ridazzioni d'Alta Frequenza) - Ci hè sempri una bedda liti trà a cità d’Aiacciu è a cullittività di Corsica. Luni sera, pà u cunsigliu municipali, u merri, Laurent Marcangeli, hà parlatu dinò d’issu cunflittu, chì dura chì sò mesa. Ben’intesa, si hè filicitatu lla dicisioni lla camara righjunali lli conti, chì hà datu puntu vintu à a cità. Po’ hà cuntinuvatu parlendu di ciò ch’iddu chjama « un’inghjustizia » è « una discriminazioni » chì pesani à nantu à i prughjetta lla cumuna. L’eletta naziunalista, Josepha Giacometti, chì faci parti di l’uppusizioni llu cunsigliu municipali aiaccinu, hà vulsutu risponda à Laurent Marcangeli. Hà rigritatu ch’iddu sichi duvintatu un « tribunali » u cunsigliu municipali. Si hè impignata l’eletta naziunalista in a via d’un appacià, dindu ch’idd’ùn ci voli più à fà opara d’uppusizioni sistimatica. Hà ancu dittu « ch’idda firmaia aparta a porta ».
Intantu di sapè ciò ch’iddu ni sarà d’issi pruposti, steti à senta un pezzu llu discorsu di Laurent Marcangeli, u merri d’Aiacciu
Sur le même sujet
