Le collège Saint-Joseph de Bastia intégré au réseau REP+
(A redazzioni d'Alta Frequenza) - Dipoi a riintrata, u culleghju San Ghjiseppu di Bastia hè un culleghju unicu è prefiguratori in Corsica. In fatti, s'ella pudaria essa dinò u casu pà u culleghju Arthur Giovoni d'Aiacciu, San Ghjiseppu hè statu integratu ind'u REP+, vali à dì una reta d'educazioni priuritaria lanciata quist'annu da l'Educazioni Naziunali è cumposta di 102 culleghji di Francia chì si trovani inde zoni induva i difficultà à u nivellu suciali sò abbastanza impurtanti. U scopu hè di sguassà i diffarenzi è i difficultà scuntrati da l'elevi di ssi stabilimenti par via di ssu cuntestu suciali mittendu in ballu dispusitivi adattati. Aiutu pà fà i duveri in cuntinuu fin'è quattru ori è mezu pà i sculari di seiesima pà pudè culmà u biotu abituali di u so spartitempu, valutazioni sicondu metudi specifichi, o metudi pà fà crescia a curiosità è u gustu pà u mezu sculari di ssi culleghjenti sò in u prugramma.
Steti à senta à Denis Muselli, u direttori di u culleghju San Ghjiseppu di Bastia.
