Le collectif Ghjustizia è Verità continue son combat
(A redazzioni d'Alta Frequenza) - Davanti à parechji centunai di parsoni è cù u sustegnu di parechji eletti com'è u presidenti di l'Assemblea di Corsica Ghjuvan Guidu Talamoni o u presidenti di l'ADEC Ghjuvan Cristofanu Angelini, u cullittivu Ghjustizia è Verità per I Nostri hà fattu u puntu nant'à affari in corsu nanzi à u scontru di u SC Bastia contr'à Marseghja. Di fattu, una dumanda nova di liberazioni di i dui ghjuvanotti imprighjunati pruvisorii dipoi guasgi un mesi in u quadru di l'inchiesta nant'à ughjetti ritrovi nanzi a manifistazioni di u 20 di farraghju scorsu in Bastia hè stata posta da i so avucati. U cullittivu, ditarminatu malgradu i difficultà ghjudiziari à parechji pà fà sorghja a verità cuncirnendu l'evenimenti di u 14 di farraghju scorsu in Reims, dumanda a fini di l'azzioni ghjudiziari contr'à altri sustenidori, chì sò tocchi oghji pà certi da un cuntrollu ghjudiziariu assai siveru. Di fattu, u cullittivu s'hà da aduniscia dumenica à 4 ori davanti a prighjoni di U Borgu pà prigà un bon Natali à i dui sustenidori incarciarati.
Steti à senta à Nathalie Maroni pà u cullittivu.
