Le Collectif Corse Santé s'inquiète de la situation de l'hôpital de Bastia
Si n’hè parlatu, issi pochi sittimani, di u spidali di Bastia. Ed hè avali u cullittivu Corse Santé chì hà presu a parolla à issu sughjettu.
Dighjà à l’iniziativa d’una pitizioni in ligna pà un novu spidali in Bastia, issu cullittivu, via una cunfarezna di stampa, hà vulsutu signalà a pessima situazioni di issu stabilimentu publicu di saluta.
Vichjinu è indibitatu, t’hà à chì fà, dici u cullittivu, à incascià i 30 % di malati in più, à pettu à l’apartura di u spidali in l’anni 1980.
I lucala sò chjuchi à veru, è ancu troppu : dici u cullittivu chì, in oncolugia, si sariani fatti chimioterapii in i scagni o in i curridori, parvia di a poca piazza.
Senza cuntà ch’iddu manca u parsunali, medichi titulari è spicialisti, in parichji i sirvizia.
Hè dunqua signalata a poca attrattività di u spidali, parvia di issa situazioni.
U Cullittivu ni chjama à una mubilisazioni ginirali, da uttena calchì fattu cuncretu da a parti di u guvernu, par ciò chì tocca à issu spidali novu.
Steti à senta à Danielle Franceschi, a sicritaria ginirali di u Cullittivu.
Sur le même sujet
