Le CFA de Haute-Corse a renoué avec sa journée portes ouvertes
U CFA llu Cismonti, chì conta circa 800 amparini, hà prupostu marcuri una ghjurnata à porti aparti, attimpata dighjà parichji volti parvia di u Covid.
I ghjovani in circa di suluzioni pà u so avvena o i diplumati di l’insignamentu supiriori ch’ùn a li facini à truvà un travaddu ani pussutu lintà un ochji à i sissanta furmazioni pruposti. Issi furmazioni poni aiutà à truvà un impiecu, o ancu à metta in anda una impresa.
Parichji mistiera sò insignati à u CFA, ma i furmazioni i più dumandati toccani à u BTP, à i mistiera di bucca è à i sirivizia à a parsona.
Qualissi sò i pussibilità di l’aienti cù issi dispusitivi, è quiddi llu CFA ?
Steti à senta à Xavier Luciani, u dirittori llu CFA llu Cismonti dipoi 20 anni.
À issa ghjurnata à porti aparti, erani prisenti parichji prufiziunali, chì u intaressu l’ani pà u CFA è pà i parsunala ch’iddu pò furmà.
U gruppu di BTP Brandizi è i so soci ci poni truvà parsunala furmati adatti à i varii mistiera llu BTP.
Steti à senta à Marie Noujarret, a dirittrici lli risorzi umani llu gruppu Brandizi.
Sur le même sujet
