Le centre des finances publiques de San Nicolao cible de croix gammées
(A ridazzioni d'Alta Frequenza) - Vennari matina, i funziunarii llu centru lli finanzi publichi di San Niculau ani avutu una brutta surpresa, andendu à travaddà. Di fatti, quattru cruci à ancinu, simbuli llu nazismu, sò stati fatti à nantu à i muri llu bastimentu. In un cumunicatu, a CGT finanzi Publichi llu Cismonti cundanna « issi scritturi à carattaru razzistu. Ancu puri issendu inghjusta a pulitica fiscali di Macron, è ancu s’iddu ci voli à cumbatta la, ùn ci hè nudda chì posca ghjustificà issi fatti. Moltu più chì l’agenti, chì sgobbani ugni ghjornu in pessimi cundizioni, circani sempri ad aiutà i pupulazioni in difficultà à pagà i so impositi, è ancu à fà i li calà ». Pà a CGT, quiddi chì ani fattu « issi dissegna, chì sò unu scandalu è un’inghjulia, disprezzani d’issa manera a collara lighjittima lli pupulazioni, quidda chì si sprimi ugni ghjornu contru à a pulitica di distruzzioni lli sirvizii publichi ».
